30 верасня, Мінск /Кар. БЕЛТА/. Старшыня Палаты прадстаўнікоў Нацыянальнага сходу Ігар Сергяенка ў эфіры тэлеканала СТБ расказаў, ці захавае сацыяльную накіраванасць рэспубліканскі бюджэт 2025 года. Законапраект будзе разгледжаны на другой сесіі Палаты прадстаўнікоў Нацыянальнага сходу восьмага склікання, паведамляе БЕЛТА.
"Дэпутаты Палаты прадстаўнікоў ужо на першапачатковым этапе прымалі ўдзел у складзе рабочых груп разам з урадам у працэсе падрыхтоўкі гэтага законапраекта, - адзначыў Ігар Сергяенка. - 2025 год у нейкай ступені асаблівы, таму што знаходзіцца на стыку дзвюх пяцігодак. Зразумела, што падыходы пры фарміраванні бюджэту будуць захаваны і сацыяльная накіраванасць захаваецца. Гэта датычыцца сферы аховы здароўя, пытанняў сацыяльнай абароны, адукацыі. Упэўнены, што ў кастрычніку - лістападзе будзе актыўная работа па разглядзе гэтага законапраекта".-0-
