13 снежня, Мінск /Кар. БЕЛТА/. Савет Міністраў зацвердзіў праграму статыстычных работ на 2025 год. Адпаведная пастанова ўрада ад 10 снежня 2024 года нумар 934 апублікавана на Нацыянальным прававым інтэрнэт-партале, паведамляе БЕЛТА.
Праграма накіравана на фарміраванне і забеспячэнне своечасовага прадстаўлення аб'ектыўнай і актуальнай афіцыйнай статыстычнай інфармацыі Прэзідэнту, Усебеларускаму народнаму сходу, Нацыянальнаму сходу, ураду, дзяржорганам і іншым арганізацыям, падпарадкаваным (падсправаздачным) кіраўніку дзяржавы або Савету Міністраў, аблвыканкамам і Мінскаму гарвыканкаму, гарадскім (гарадоў абласнога падпарадкавання) і раённым выканкамам, мясцовым адміністрацыям раёнаў у гарадах.
Дакументам прадугледжваецца інфармацыйнае забеспячэнне выканання прагнозаў сацыяльна-эканамічнага развіцця краіны, законаў, актаў Прэзідэнта, пастаноў Савета Міністраў, а таксама задавальненне патрэбнасцей у афіцыйнай статыстычнай інфармацыі суб'ектаў гаспадарання, СМІ, навуковых устаноў, статыстычных органаў замежных дзяржаў, міжнародных арганізацый, органаў міждзяржаўных утварэнняў, фізічных асоб.
Праграма ўяўляе сабой пералік дзяржаўных статыстычных назіранняў і афіцыйнай статыстычнай інфармацыі, што фарміруецца органамі дзяржаўнай статыстыкі і дзяржаўнымі арганізацыямі, упаўнаважанымі на вядзенне дзяржаўнай статыстыкі,у тым ліку ў выглядзе наступных статыстычных выданняў - экспрэс-інфармацыі, дакладаў, статыстычных буклетаў, бюлетэняў, зборнікаў, даведнікаў.-0-
