18 верасня, Мінск /Кар. БЕЛТА/. Школьнікаў Беларусі запрашаюць паўдзельнічаць у рэспубліканскім конкурсе сачыненняў на тэму "Што такое адзінства". Такая інфармацыя размешчана на сайце Нацыянальнага адукацыйнага партала, паведамляе БЕЛТА.
Да ўдзелу запрашаюцца вучні 5-11 класаў. Конкурс праводзіцца ў дзвюх узроставых групах (5-8 і 9-11 класы) у тры этапы. Першы праходзіць у школах, другі - раённы, гарадскі (акрамя Мінска), трэці заключны этап - абласны, Мінскі гарадскі. Жадаючым удзельнічаць неабходна прадаставіць у сваю ўстанову адукацыі сачыненне на тэму "Што такое адзінства" на рускай або беларускай мове. Па выніках трох этапаў будуць вызначаны пераможцы: па пяць вучняў у дзвюх узроставых катэгорыях (усяго 10 ад рэгіёна). Пераможцы заключнага этапу конкурсу будуць узнагароджаны дыпломамі абласных (Мінскага гарадскога) выканаўчых камітэтаў.
Конкурс сачыненняў стартаваў у рамках акцыі "Марафон адзінства". Яго мэтай з'яўляецца выхаванне ў падрастаючага пакалення грамадзянскасці і патрыятызму, традыцыйных духоўных і маральных каштоўнасцей беларускага народа, павагі да гісторыі і культуры Беларусі. Сярод яго задач стварэнне ўмоў для творчай самарэалізацыі навучэнцаў, дэманстрацыі імі свайго творчага патэнцыялу, развіццё ў іх літаратурна-эстэтычных здольнасцей, традыцыйных маральных ідэалаў і каштоўнасцей, а таксама захаванне традыцый і гістарычнай памяці, важнасці адзінства і з'яднанасці, выхаванне пачуцця гонару за сваю краіну і яе дасягненні.
Конкурс праводзіцца Міністэрствам адукацыі сумесна з ТАА "Музычная медыякампанія". Каардынатарам мерапрыемства выступае Акадэмія адукацыі.-0-
