Прэзідэнт Беларусі Аляксандр Лукашэнка ў інтэрв'ю міждзяржаўнай тэлерадыёкампаніі "Мір" асаблівую ўвагу ўдзяліў тэме развіцця беларускай эканомікі, паведамляе карэспандэнт БЕЛТА.
Тэмпы росту эканомікі Беларусі ў 2024 годзе склалі каля 4 працэнтаў.
Адказваючы на пытанне, ці ўдасца захаваць такую дынаміку ў гэтым годзе, Аляксандр Лукашэнка выказаў меркаванне: "Так, недзе каля гэтага будуць тэмпы росту". Разам з тым ён звярнуў увагу, што пастаянна нарошчваць тэмпы да цяперашніх высокіх паказчыкаў даволі складана: "Увесь час база падрастае, да якой мы працэнты лічым".
"Да нуля лягчэй прырастаць, чым да 90 працэнтаў, таму, зразумела, 4,5 працэнта або 5 працэнтаў (тэмпаў росту эканомікі. - Заўвага БЕЛТА) ні ў нас, ні ў Расіі пастаянна быць не можа, - падкрэсліў Прэзідэнт. - Але гэта не страшна, таму што той працэнт або два, на якія мы будзем прырастаць у 2027-2030 гадах, ён будзе больш важкі, чым сённяшнія тры, чатыры або пяць працэнтаў. Таму спадзявацца на тое, што ўвесь час мы будзем расці па 5 працэнтаў, не даводзіцца".
Разам з гэтым Аляксандр Лукашэнка адзначыў, што прырост беларускай эканомікі ў 2024 годзе быў большы, чым у Германіі. "І мы аб гэтым можам гаварыць, таму што ў нас не нуль быў. У нас вельмі высокая была база эканомікі, і нам 4 працэнты дабавіць - гэта вельмі-вельмі складана", - адзначыў кіраўнік дзяржавы.
На думку Прэзідэнта, "трэба аддаць належнае і падзякаваць" тым заходнім кампаніям, якія збеглі з Беларусі і Расіі, за кошт чаго выйгралі айчынныя вытворцы. "Вельмі важная сфера - забеспячэнне людзей. І вось тое, каб забяспечыць людзей, у Беларусі ў наяўнасці", - падкрэсліў кіраўнік дзяржавы.
Перавагу атрымалі і беларускія высокатэхналагічныя прадпрыемствы, напрыклад "ІНТЭГРАЛ". "Толькі Беларусь захавала асновы мікраэлектронікі, і мы сёння запатрабаваны на нашым асноўным рынку, і не толькі на расійскім рынку", - прадоўжыў Прэзідэнт.
Аляксандр Лукашэнка таксама падкрэсліў: "Гэта значыць, мы захавалі школу, захавалі нашы магчымасці, і гэта дало нам значны прырост, у тым ліку эканомікі, перш за ўсё за кошт расійскага рынку. Для абароннай зброі, для космасу, для атамнай станцыі мы вельмі шмат чаго вырабляем і ў большасці сваёй пастаўляем для тэхналагічных галін у Расіі сваю высокатэхналагічную прадукцыю".-0-
Тэмпы росту эканомікі Беларусі ў 2024 годзе склалі каля 4 працэнтаў.
Адказваючы на пытанне, ці ўдасца захаваць такую дынаміку ў гэтым годзе, Аляксандр Лукашэнка выказаў меркаванне: "Так, недзе каля гэтага будуць тэмпы росту". Разам з тым ён звярнуў увагу, што пастаянна нарошчваць тэмпы да цяперашніх высокіх паказчыкаў даволі складана: "Увесь час база падрастае, да якой мы працэнты лічым".
"Да нуля лягчэй прырастаць, чым да 90 працэнтаў, таму, зразумела, 4,5 працэнта або 5 працэнтаў (тэмпаў росту эканомікі. - Заўвага БЕЛТА) ні ў нас, ні ў Расіі пастаянна быць не можа, - падкрэсліў Прэзідэнт. - Але гэта не страшна, таму што той працэнт або два, на якія мы будзем прырастаць у 2027-2030 гадах, ён будзе больш важкі, чым сённяшнія тры, чатыры або пяць працэнтаў. Таму спадзявацца на тое, што ўвесь час мы будзем расці па 5 працэнтаў, не даводзіцца".
Разам з гэтым Аляксандр Лукашэнка адзначыў, што прырост беларускай эканомікі ў 2024 годзе быў большы, чым у Германіі. "І мы аб гэтым можам гаварыць, таму што ў нас не нуль быў. У нас вельмі высокая была база эканомікі, і нам 4 працэнты дабавіць - гэта вельмі-вельмі складана", - адзначыў кіраўнік дзяржавы.
На думку Прэзідэнта, "трэба аддаць належнае і падзякаваць" тым заходнім кампаніям, якія збеглі з Беларусі і Расіі, за кошт чаго выйгралі айчынныя вытворцы. "Вельмі важная сфера - забеспячэнне людзей. І вось тое, каб забяспечыць людзей, у Беларусі ў наяўнасці", - падкрэсліў кіраўнік дзяржавы.
Перавагу атрымалі і беларускія высокатэхналагічныя прадпрыемствы, напрыклад "ІНТЭГРАЛ". "Толькі Беларусь захавала асновы мікраэлектронікі, і мы сёння запатрабаваны на нашым асноўным рынку, і не толькі на расійскім рынку", - прадоўжыў Прэзідэнт.
Аляксандр Лукашэнка таксама падкрэсліў: "Гэта значыць, мы захавалі школу, захавалі нашы магчымасці, і гэта дало нам значны прырост, у тым ліку эканомікі, перш за ўсё за кошт расійскага рынку. Для абароннай зброі, для космасу, для атамнай станцыі мы вельмі шмат чаго вырабляем і ў большасці сваёй пастаўляем для тэхналагічных галін у Расіі сваю высокатэхналагічную прадукцыю".-0-
