16 верасня, Брэсцкі раён /Кар. БЕЛТА/. У Брэсцкім раёне арганізавана рабочая сустрэча па заключэнні дагавораў на пастаўку бульбы, агародніны, яблыкаў новага ўраджаю, перадае карэспандэнт БЕЛТА.
У мерапрыемстве прымаюць удзел намеснік прэм'ер-міністра Юрый Шулейка, міністр антыманапольнага рэгулявання і гандлю Аляксей Багданаў, старшыня Брэсцкага аблвыканкама Пётр Пархомчык.
"Забеспячэнне ўнутранага рынку айчынным таварам з'яўляецца стратэгіяй нашай дзяржавы, таму што ў нас усё для гэтага ёсць", - падкрэсліў віцэ-прэм'ер. Ён звярнуў увагу, што некаторыя віды агародніны і фруктаў Беларусі даводзіцца закупляць у пэўны перыяд. Аднак краіне пад сілу забяспечыць сябе, у прыватнасці, бульбай, морквай, капустай, яблыкамі розных тэрмінаў выспявання. "Гэта наш айчынны прадукт, які сёння можа займаць да 80-90 працэнтаў, а то і 100 працэнтаў на паліцах магазінаў", - сказаў Юрый Шулейка. Ён дадаў, што ў рэспубліцы вырошчваюць у дастатковым аб'ёме плодаагародніннай прадукцыі, каб забяспечыць патрэбнасці насельніцтва ў міжсезонны перыяд.
"Бываюць розныя ўмовы, калі мы трапляем у фазы цаны, неўраджай і г.д. Але гэта лёгка кампенсаваць, калі правільна весці гэты напрамак: розныя тэрміны выспявання, розная стойкасць да захворванняў, кліматычных умоў. І потым у канчатковым выніку ў нас атрымліваецца сезон, што жыхары краіны не адчуваюць недахопу на паліцах, якія ёсць у гандлёвых сетках", - заўважыў намеснік прэм'ер-міністра.
Удзельнікі рабочай сустрэчы наведалі яблыневы сад і фруктасховішча ААТ "Чарнаўчыцы". Юрый Шулейка звярнуў увагу, што пакуль у краіне адчуваюць дэфіцыт яблыкаў позніх сартоў для продажу ў красавіку-маі. Але прымаюцца меры, каб у бліжэйшыя некалькі гадоў гэта пытанне было знята.
"У краіне маем з году ў год за 200 тыс. т яблыкаў. Гэты год, на жаль, з-за кліматычных умоў у пэўных рэгіёнах налічвае да 190 тыс. т, а закласці трэба толькі 23 тыс. т. Зразумела, што ёсць і прамперапрацоўка, і таварныя яблыкі, - сказаў віцэ-прэм'ер. - Брэсцкая вобласць - гэта палавіна вытворчасці яблыкаў, напрыклад. Будзем сёння гаварыць і аб іншых культурах, якія закладваюцца. Тут ёсць даволі высокія кампетэнцыі, каб выконваць дзяржаўную праграму. Трэба страхаваць Магілёўскую, Гомельскую, Віцебскую вобласці, горад Мінск".-0-
Фота Віялеты Южаковай
