21 красавіка, Мінск /Кар. БЕЛТА/. Аграрыі пасеялі 38 працэнтаў яравых культур на плошчы 877,4 тыс. га, у тым ліку сяўба ранніх яравых збожжавых і зернебабовых культур без уліку кукурузы, грэчкі і проса завершана на плошчы 523,7 тыс. га, што складае 90,9 працэнта ад плана. Прамежкавымі вынікамі цяперашняй пасяўной кампаніі з карэспандэнтам БЕЛТА падзяліліся ў Міністэрстве сельскай гаспадаркі і харчавання.
Тры вобласці рэспублікі - Брэсцкая, Гомельская і Мінская - сяўбу ранніх яравых збожжавых ужо завяршылі, работнікі АПК Гродзенскай вобласці ўшчыльную наблізіліся да выканання плана, там палявыя работы па гэтых відах выкананы на 98,3 працэнта. У Віцебскай вобласці пасеяна 83,3 тыс. га (64,8 працэнта да плана), у Магілёўскай - 98,2 тыс. га (89,5 працэнта).
Нарошчвае тэмпы сяўба цукровых буракоў (пасеяна 68,9 працэнта ад плана), а таксама яравога рапсу (38,6 працэнта) і лёну-даўгунцу (61,9 працэнта). Дынамічна ідуць пасадкі бульбы і агароднінных культур: так, караняплод аграрыі высадзілі на плошчы 2 тыс. га, што эквівалентна 11,9 працэнта да плана, а план па сяўбе агароднінных культур выкананы на 22,7 працэнта, у тым ліку па цыбулі - на 26,2 працэнта. Ва ўсіх рэгіёнах краіны закладваюцца новыя сады, работы па пасадках выкананы на 33,8 працэнта ад плана.
Глеба пад сяўбу яравых культур падрыхтавана амаль на 1,2 млн га, што складае 51,2 працэнта планавых значэнняў. Шэраг рэгіёнаў завяршылі другую падкормку культур: гаспадаркі Брэсцкай, Гродзенскай і Мінскай абласцей - азімага рапсу на зерне, работнікі АПК Мінскай вобласці - яшчэ і азімых збожжавых. Прадаўжаюць запасацца гаспадаркі і мінеральнымі ўгнаеннямі. Паводле даных на 21 красавіка, пад яравую сяўбу гэтага года назапашана 899,1 тыс. т дзеючага рэчыва мінеральных угнаенняў, што складае 77 працэнтаў ад плана.
Для захавання неабходнай вільгаці ў глебе аграрыі праводзяць апрацоўку глыбокарыхліцелямі, план па гэтым відзе работ у краіне перавыкананы. Вядзецца таксама вапнаванне кіслых глеб, паколькі даламітавая мука неабходна для нейтралізацыі залішняй кіслотнасці і падтрымання аптымальнага глебавага асяроддзя, якое выканана на плошчы 71,6 тыс. га, што складае 28,8 працэнта ад плана. Прадаўжаюць ўносіцца арганічныя ўгнаенні.-0-
