4 мая, Мінск /Кар. БЕЛТА/. Экспарт прадпрыемстваў - рэзідэнтаў СЭЗ "Брэст" у першым квартале 2023 года вырас больш як на 13 працэнтаў, паведамілі БЕЛТА ў СЭЗ.
Паведамляецца, што са студзеня па сакавік бягучага года прадпрыемствы - рэзідэнты СЭЗ забяспечылі рост асноўных паказчыкаў у параўнанні з аналагічным перыядам мінулага года.
Аб'ём прамысловай вытворчасці рэзідэнтаў СЭЗ у фактычных цэнах склаў Br917 млн. Рост аб'ёмаў вытворчасці ў фактычных адпускных цэнах - 122,8 працэнта. Індэкс фізічнага аб'ёму прамысловай вытворчасці - 109,1 працэнта.
Экспарт тавараў рэзідэнтаў СЭЗ "Брэст" склаў $241 млн. Тэмп росту экспарту тавараў - 113,2 працэнта. Сальда знешняга гандлю таварамі ў цэлым па СЭЗ дадатнае - $95 млн.
Сярэднямесячная зарплата працуючых у СЭЗ дасягнула Br1711, тэмп росту - 122,8 працэнта.
Рэзідэнтамі СЭЗ "Брэст" прыцягнута замежных інвестыцый у памеры $84,6 млн. Прамыя замежныя інвестыцыі на чыстай аснове склалі $76,2 млн. Тэмп росту - 126,9 працэнта.
Па стане на 1 красавіка 2023 года, на тэрыторыі СЭЗ зарэгістраваны 75 рэзідэнтаў. У першым квартале 2023 года быў зарэгістраваны новы рэзідэнт з аб'ёмам інвестыцый $2,9 млн.-0-
