23 снежня, Мінск /Кар. БЕЛТА/. Для ажыццяўлення назірання за выбарамі Прэзідэнта ўжо акрэдытаваны 93 міжнародныя наглядальнікі, заявіў старшыня Цэнтральнай выбарчай камісіі Ігар Карпенка на пасяджэнні ЦВК, перадае карэспандэнт БЕЛТА.
"Для ажыццяўлення назірання за выбарамі ў краіне ўжо акрэдытаваны 93 замежныя (міжнародныя) наглядальнікі, сярод іх наглядальнікі місіі ад СНД, парламентарыі, прадстаўнікі Маладзёжнай арганізацыі Руху недалучэння, выбарчых органаў замежных дзяржаў, незалежныя наглядальнікі", - сказаў Ігар Карпенка.
Кіраўнік ЦВК дадаў, што 18 снежня адбылася сустрэча з кіраўніком Місіі наглядальнікаў ад СНД Сяргеем Лебедзевым. "Сяргей Лебедзеў паведаміў, што ў Выканаўчым камітэце СНД у Мінску пачаў работу штаб місіі, у якім будуць працаваць больш за 50 доўгатэрміновых наглядальнікаў. За дзень-два да выбараў у Беларусь прыбудуць яшчэ каля 150 наглядальнікаў, - падкрэсліў Ігар Карпенка. - 20 снежня ў рэжыме анлайн праведзена сустрэча з міжнароднымі наглядальнікамі ад МПА СНД і МІМРД МПА СНД".
"ЦВК прадаўжае акрэдытацыю замежных (міжнародных) наглядальнікаў", - адзначыў Ігар Карпенка.
Выбары Прэзідэнта Беларусі назначаны на 26 студзеня 2025 года.-0-
