ЦВК зацвердзіла пералік дакументаў, на аснове якіх выдаецца бюлетэнь для галасання пры правядзенні выбараў Прэзідэнта Рэспублікі Беларусь. Такое рашэнне прынята 4 лістапада на пасяджэнні ЦВК, перадае карэспандэнт БЕЛТА.
"У адпаведнасці з ч.2 арт.52 Выбарчага кодэкса ЦВК прадастаўлена права вызначаць дакументы, на аснове якіх выдаецца бюлетэнь для галасавання, акрамя пашпарта грамадзяніна Рэспублікі Беларусь і ідэнтыфікацыйнай карткі. Да такіх дакументаў прапануецца аднесці ваенны білет (для ваеннаслужачых тэрміновай службы), службовае пасведчанне работніка дзяржаўнага органа (арганізацыі), вадзіцельскае пасведчанне, пенсійнае пасведчанне, пасведчанне інваліда (пры наяўнасці ў іх фатаграфіі), білет вучня, студэнцкі білет, а таксама даведка органаў унутраных спраў, што засведчвае асобу грамадзяніна ў выпадку страты або крадзяжу дакумента - пасведчання асобы", - расказала галоўны саветнік аддзела прававой, аналітычнай і метадычнай работы апарата Цэнтральнай выбарчай камісіі Алеся Урбановіч.
Бюлетэнь выдаецца на аснове гэтых дакументаў толькі пры ўмове, калі грамадзянін уключаны ў спіс выбаршчыкаў.-0-
Фота Сяргея Шэлега
