2 верасня, Мінск /Кар. БЕЛТА/. У Беларусі 2 верасня з-за высокіх тэмператур аб'яўлены аранжавы ўзровень небяспекі: паветра прагрэецца да плюс 32. Аб гэтым БЕЛТА паведамілі ў Рэспубліканскім цэнтры па гідраметэаралогіі, кантролі радыеактыўнага забруджвання і маніторынгу навакольнага асяроддзя Мінпрыроды.
У многіх раёнах па поўдні краіны днём максімальная тэмпература паветра ўзрасце да 30-32 градусаў цяпла, а ў Гомельскай вобласці чакаецца надзвычайная пажарная небяспека пятага класа.
Прагназуецца воблачнае з праясненнямі надвор'е. Ноччу і раніцай па паўночным захадзе краіны чакаюцца слабыя туманы і кароткачасовыя дажджы, у асобных раёнах - навальніцы. Мінімальная тэмпература паветра ўначы панізіцца да 13-19 градусаў вышэй за нуль, максімальная днём узрасце да плюс 24-30.-0-
