20 верасня, Мінск /Кар. БЕЛТА/. У Беларусі 26 верасня пройдзе Адзіны дзень бяспекі. Аб гэтым БЕЛТА паведамілі ў МНС.
Адзіны дзень бяспекі праводзіцца для таго, каб чарговы раз акцэнтаваць увагу грамадзян на важнасці ўменняў і навыкаў паводзін у надзвычайных сітуацыях, навучыць тых, хто раней не надаваў значэння гэтаму пытанню, і нагадаць аб тым, што кожны можа звесці да мінімуму трагічныя выпадкі.
Ва ўзаемадзеянні з МУС, Міністэрствам аховы здароўя і Беларускім Таварыствам Чырвонага Крыжа ратавальнікі арганізуюць у месцах масавага знаходжання людзей тэматычныя навучальныя пляцоўкі для насельніцтва.
"Важна: могуць быць задзейнічаны сістэмы апавяшчэння і спецыяльная тэхніка, а таксама праводзіцца эвакуацыя з месцаў з масавым знаходжаннем людзей. Просьба з разуменнем паставіцца да правядзення такіх мерапрыемстваў", - дапоўнілі ў МНС.-0-
