16 жніўня, Мінск / Кар. БЕЛТА/. Пастановай Савета Міністраў ад 15 жніўня 2024 года нумар 596 пералік платных медыцынскіх паслуг, тарыфы на якія рэгулююцца Міністэрствам аховы здароўя пры ўзгадненні з Міністэрствам антыманапольнага рэгулявання і гандлю, дапоўнены пазіцыяй "прыёмы (кансультацыі) урачоў-спецыялістаў". Аб гэтым паведамляе БЕЛТА са спасылкай на Нацыянальны прававы інтэрнэт-партал.
Пад цэнавае рэгуляванне падпадаюць многія платныя медыцынскія паслугі, напрыклад стаматалагічныя, - на іх устанаўліваюцца гранічныя максімальныя тарыфы. Цяпер будуць скарэкціраваны і цэны на прыём і кансультацыю ўрачоў.
Пастанова ўступае ў сілу з 1 лістапада.-0-
