5 ліпеня, Мінск /Кар. БЕЛТА/. У Беларусі пачалася ўборка азімага рапсу. Аб гэтым паведамілі БЕЛТА ў Міністэрстве сельскай гаспадаркі і харчавання.
У цэлым па краіне азімы ячмень убраны на плошчы 136,6 тыс. га - гэта 51,9 працэнта да ўборачнай плошчы (да аналагічнай даты ў мінулым годзе - 6,47 працэнта), а намалочана 499,4 тыс. т (на год раней - 45,2 тыс. т) з ураджайнасцю 36,6 ц/га. Азімы рапс на зерне ўбраны на 12,8 тыс. га, што складае 3,42 працэнта да ўборачнай плошчы (у мінулым годзе - 0,04 працэнта), а намалочана 23 тыс. т (на год раней 0,15 тыс. т) з ураджайнасцю 17,9 ц/га. Лён выцераблены на плошчы 2,19 тыс. га (4,94 працэнта), калі ў мінулым годзе работы па гэтай культуры яшчэ не пачаліся.
Травы другога ўкосу скошаны на 444 тыс. га (42,1 працэнта ад плана). Убраны травы другога ўкосу на плошчы 389,5 тыс. га, што складае 87,7 працэнта да скошанага. Пасля першага ўкосу травы падкормлены на 275,8 тыс. га плошчаў, што складае 19,6 працэнта.
Нарыхтавана 9124,6 тыс. т сенажу - 68,5 працэнта да плана (у тым ліку ў палімерную ўпакоўку 311 тыс. т), 297 тыс. т сена (42,4 працэнта) і 231 тыс. т сіласу (1,13 працэнта). Травяных кармоў нарыхтавана 28,2 працэнта ад плана.-0-
