22 кастрычніка, Мінск /Кар. БЕЛТА/. З 22 кастрычніка пачынаецца адпраўка грамадзян Беларусі, прызваных на тэрміновую ваенную службу, у злучэнні і воінскія часці Узброеных Сіл, унутраных войскаў МУС, органаў пагранічнай службы і дзяржаўнай бяспекі. Аб гэтым БЕЛТА паведамілі ў Мінабароны.
Як расказалі ў абаронным ведамстве, у першы дзень у войскі будзе накіравана каля тысячы прызыўнікоў, якія папоўняць шэрагі сіл спецыяльных аперацый Узброеных Сіл, Мінскай ваеннай камендатуры і 72-га гвардзейскага аб'яднанага вучэбнага цэнтра. Усяго на ўкамплектаванне Узброеных Сіл, іншых войскаў і воінскіх фарміраванняў у кастрычніку-лістападзе плануецца накіраваць амаль 10 тыс. чалавек.
Амаль 58 тыс. маладых людзей падлягаюць выкліку на прызыўныя камісіі восенню бягучага года.
Пры гэтым у ваенным ведамстве таксама адзначаюць, што звальненне ў запас ваеннаслужачых, якія выслужылі ўстаноўленыя тэрміны тэрміновай ваеннай службы, будзе праведзена своечасова - у кастрычніку - лістападзе 2024 года.-0-
