20 верасня, Мінск /Кар. БЕЛТА/. У Беларусі палічылі інвестыцыі ў асноўны капітал за студзень - жнівень 2024 года, паведамілі БЕЛТА ў Нацыянальным статыстычным камітэце.
За восем месяцаў выкарыстана інвестыцый у асноўны капітал у аб'ёме Br24,9 млрд.
Палічана ўдзельная вага абласцей і Мінска ў рэспубліканскім аб'ёме інвестыцый у асноўны капітал. Лідзіруе Мінская вобласць - 24,3 працэнта. У Мінску выкарыстана 20 працэнтаў інвестыцый, у Брэсцкай вобласці - 13,5 працэнта, Гомельскай - 13,2 працэнта, Гродзенскай - 10,6 працэнта, Віцебскай - 9,2 працэнта, Магілёўскай вобласці - 9,2 працэнта.
Тэхналагічная структура інвестыцый у асноўны капітал наступная: будаўніча-мантажныя работы - 47,9 працэнта, машыны, абсталяванне, транспартныя сродкі - 39,5 працэнта, іншыя работы і затраты - 12,6 працэнта.
Па формах уласнасці 43,8 працэнта склалі дзяржаўныя інвестыцыі ў асноўны капітал, 52,1 працэнта - прыватныя, 4,1 працэнта - замежныя.-0-
