17 ліпеня, Мінск /Кар. БЕЛТА/. У Беларусі прадаўжаюць устараняць наступствы непагоды. Аб гэтым БЕЛТА паведамілі ў МНС.
Паводле ўдакладненых даных на раніцу 17 ліпеня, ад праходжання 14 ліпеня навальнічнага фронту з парывамі ветру да 29 м/с у 33 раёнах рэспублікі пацярпелі 748 населеных пунктаў. З іх у Брэсцкай вобласці пацярпела 15 населеных пунктаў, у Гомельскай - 676 і Магілёўскай - 57. Пашкоджаны дахі амаль 3,8 тыс. жылых дамоў (з іх 156 адноўлены), 75 аб'ектаў сацкультбыту (чатыры адноўлены), 914 сельскагаспадарчых будынкаў (чатыры адноўлены), 17 вытворчых будынкаў і 427 гаспадарчых пабудоў (тры адноўлены).
Зафіксавана амаль 1,3 тыс. выпадкаў падзення дрэў. У Брэсцкай вобласці - 23, у Гомельскай - 802, у Мінскай - 15 і Магілёўскай - 401, а ў Мінску - 11. Паваленымі дрэвамі пашкоджаны 55 аўтамабіляў у Гомельскай вобласці (46), Мінскай (1) і Магілёўскай (8). Работнікамі МНС і іншых арганізацый праводзілася работа па распілоўцы і прыбіранні паваленых дрэў.
У выніку парываў ветру 13 і 14 ліпеня ад паваленых дрэў і элементаў дахаў загінулі шэсць чалавек.
Паводле даных ДВА "Белэнерга", на раніцу 17 ліпеня без электразабеспячэння застаюцца 503 населеныя пункты: у Гомельскай (494), Магілёўскай (8) і Мінскай (1), 115 сельскагаспадарчых будынкаў і 2,2 тыс. трансфарматарных падстанцый. Для энергазабеспячэння аб'ектаў задзейнічаны 176 электрагенератараў, з іх 54 МНС. Адключэнні аператыўна ўстараняюцца аварыйнымі брыгадамі.-0-
