5 снежня, Мінск /Кар. БЕЛТА/. У Беларусі ў снежні ўводзіцца 88 дзяржаўных стандартаў. Аб гэтым паведамілі БЕЛТА ў прэс-службе Дзяржаўнага камітэта па стандартызацыі.
Стандарты датычацца машынабудавання, электратэхнікі, радыёэлектронікі, сувязі, лёгкай і хімічнай прамысловасці, сельскай гаспадаркі і харчавання і г.д.
Так, да галіны сельскай гаспадаркі і харчавання адносяцца 6 стандартаў, якія ўстанаўліваюць патрабаванні на ячную і кукурузную крупы, кукурузную муку, метады вызначэння адсутнасці прымесей у малочным тлушчы, колеру, паху, смаку і хрусту мукі і вотруб'я, ультрагукавыя метады аналізу для вызначэння саставу спіртазмяшчальных узораў.
Стандарты ў галіне хімічнай прамысловасці распаўсюджваюцца на такую прадукцыю, як фарбы і лакі, эмалі, паліва для рухавікоў, сульфат амонію, кляі і інш.
Асобна можна выдзеліць групу стандартаў на вырабы медыцынскага прызначэння: ад медыцынскай ваты, дыхальных мяшкоў, катэтараў да рэнтгенаўскіх апаратаў. У Беларусі таксама ўводзіцца ў дзеянне серыя стандартаў ДАСТ IEC 60601 і стандарт ДАСТ IEC 80601-2-26-2022, якія ўстанаўліваюць патрабаванні бяспекі да медыцынскіх электрычных вырабаў з улікам асноўных функцыянальных характарыстык: сістэм сігналізацыі ў абсталяванні, лазернага абсталявання, да вырабаў для абагравання ў медыцынскіх мэтах, перытанеальнага дыялізатара, электраэнцэфалографаў.
Патрабаванні бяспекі, але ўжо на тэкстыльныя машыны, устанаўліваюць і 6 стандартаў серыі ДАСТ ISO 11111.
Шэраг стандартаў са сферы машынабудавання ўстанаўлівае агульныя тэхнічныя ўмовы на вагоны-самазвалы, вагоны-цыстэрны, крытыя грузавыя вагоны, вагоны-платформы, паўвагоны.
Найменні ўсіх стандартаў, якія ўводзяцца ў снежні 2023 года, размешчаны на сайце tnpa.by.-0-
