29 студзеня, Мінск /Кар. БЕЛТА/. Пастановай Савета Міністраў ад 24 студзеня 2025 года нумар 41 скарэкціраваны пастановы ўрада па пытаннях арганізацыі і правядзення цэнтралізаванага тэсціравання. Аб гэтым паведамляе БЕЛТА са спасылкай на Нацыянальны прававы інтэрнэт-партал.
У прыватнасці, удакладнены пералік забароненых дзеянняў для абітурыентаў у час праходжання ЦТ. У яго дадаткова ўключаны патрабаванні аб тым, што абітурыентам нельга мець пры сабе сродкі сувязі, электронна-вылічальную тэхніку, фота-, аўдыя- і відэаапаратуру, даведачныя матэрыялы на любым носьбіце, пісьмовыя запісы і іншыя ўстройствы прыёму, захоўвання і перадачы інфармацыі. Акрамя таго, удакладнена, што нельга выносіць з аўдыторый і пункта правядзення ЦТ экзаменацыйныя матэрыялы, лісты для рабочых запісаў, фатаграфаваць экзаменацыйныя матэрыялы, а таксама размаўляць паміж сабой, самавольна выходзіць з аўдыторыі.
Прававым актам таксама ўдакладнены пералік абітурыентаў, з якіх не спаганяецца аплата за прыём і афармленне дакументаў для ўдзелу ў ЦТ.
Асобныя палажэнні пастановы нумар 41 уступаюць у сілу з 13 сакавіка 2025 года, іншыя - з 30 студзеня 2025 года.-0-
