У Беларусі засеяна звыш 20 працэнтаў плошчаў яравых культур

6 красавіка, Мінск /Кар. БЕЛТА/. У Беларусі засеяна звыш 20 працэнтаў плошчаў яравых культур, паведамілі БЕЛТА ў прэс-службе Мінсельгасхарча.

"Паводле аператыўных даных на 6 красавіка, у краіне яравых культур усяго пасеяна на плошчы 472 тыс. га, што складае 21 працэнт ад агульнай плошчы пад сяўбу 2295 тыс. га", - адзначылі ў прэс-службе.

У разрэзе абласцей засеяна: у Брэсцкай - 120 тыс. га (29 працэнтаў ад планавых плошчаў), Гродзенскай - 101 тыс. га (30 працэнтаў ад плана), Мінскай - 84 тыс. га (17 працэнтаў ад плана), Гомельскай - 68 тыс. га (17 працэнтаў ад плана), Магілёўскай - 53 тыс. га (16 працэнтаў ад плана), Віцебскай - 46 тыс. га (14 працэнтаў ад плана).

Сяўба лёну-даўгунцу праведзена на плошчы 14 тыс. га, што складае 28 працэнтаў ад плана 50 тыс. га. Цукровыя буракі пасеяны на плошчы больш як 22 тыс. га, што складае 21 працэнт ад планавых плошчаў 106 тыс. га.

Закрыццё вільгаці праведзена на плошчы 1045 тыс. га, што складае 76 працэнтаў ад плана 1375 тыс. га.

Мінеральных угнаенняў (азотных, фосфарных, калійных) пад яравую сяўбу 2026 года назапашана 682 тыс. т дзеючага рэчыва, што складае 81 працэнт ад плана. Арганічных угнаенняў пад яравую сяўбу ўнесена 27 млн т, што складае 56 працэнтаў ад вывезенага.-0-