17 верасня, Мінск /Кар. БЕЛТА/. У Беларусі з'явіцца інтэрактыўная карта музеяў устаноў адукацыі. Аб гэтым у прэс-цэнтры БЕЛТА паведаміла намеснік дырэктара па вучэбна-выхаваўчай рабоце Рэспубліканскага цэнтра экалогіі і краязнаўства Вікторыя Пашко.
"Мы актыўна працуем над завяршэннем інтэрактыўнай карты. Яна з'явіцца ў самы бліжэйшы час і будзе ў адкрытым доступе. Карта зможа прадаставіць поўную разгорнутую інфармацыю аб тых музеях, якія цяпер вядуць сваю работу ў сістэме адукацыі. Там будуць размешчаны інтэрактыўныя спасылкі, дзякуючы якім, наведвальнік зможа атрымаць усю неабходную інфармацыю пра музей: яго кантактныя даныя, хто кіруе ўстановай, што ў ёй можна паглядзець, якімі асаблівасцямі валодае", - расказала Вікторыя Пашко.
Паводле яе слоў, інтэрактыўная карта мае вялікі патэнцыял для развіцця патрыятычнага выхавання моладзі і не толькі.-0-
