8 жніўня, Мінск /Кар. БЕЛТА/. Пастановай Міністэрства архітэктуры і будаўніцтва ад 14 чэрвеня нумар 70 устанаўліваецца пералік падлягаючых атэстацыі кіраўнікоў, спецыялістаў юрыдычных асоб і індывідуальных прадпрымальнікаў, фізічных асоб, якія займаюцца асобнымі відамі архітэктурнай, горадабудаўнічай і будаўнічай дзейнасці, выконваюць работы па абследаванні будаўнічых канструкцый аб'ектаў, аўтамабільных дарог і маставых збудаванняў на іх, аэрадромных пакрыццяў, а таксама крытэрыі іх допуску да атэстацыі, паведамляе БЕЛТА са спасылкай на Нацыянальны прававы інтэрнэт-партал.
У пералік увайшлі такія віды дзейнасці ў галіне будаўніцтва, як распрацоўка раздзелаў праектнай дакументацыі, разведвальныя работы, абследаванне аб'ектаў, будаўніча-мантажныя работы, функцыі заказчыка, інжынерныя паслугі. Крытэрыямі допуску да атэстацыі з'яўляюцца прафесійная адукацыя і стаж работы па спецыялізацыі атэстацыі.
Пастановай Мінбудархітэктуры таксама ўстанаўліваюцца форма кваліфікацыйнага атэстата і форма заявы аб правядзенні атэстацыі фізічнай асобы, якая займаецца асобнымі відамі архітэктурнай, горадабудаўнічай і будаўнічай дзейнасці, выконвае работы па абследаванні будаўнічых канструкцый аб'ектаў, аўтамабільных дарог і маставых збудаванняў на іх, аэрадромных пакрыццяў.
Пастанова ўступае ў сілу пасля яе афіцыйнага апублікавання. Кваліфікацыйныя атэстаты, выдадзеныя спецыялістам да ўступлення ў сілу пастановы, сапраўдныя да заканчэння тэрміну іх дзеяння.-0-
