6 жніўня, Мінск /Кар. БЕЛТА/. У Міністэрстве транспарту і камунікацый растлумачылі, якія звесткі неабходна прадаставіць для ўключэння ў рэестр аўтамабільных перавозак пасажыраў у нерэгулярных зносінах. Аб гэтым паведамілі БЕЛТА ў прэс-службе ведамства.
Транспартная інспекцыя прымае заявы ў электроннай форме для ўключэння ў дзяржаўны інфармацыйны рэсурс "Рэестр аўтамабільных перавозак пасажыраў у нерэгулярных зносінах". Падача заявы на ўключэнне ў рэестр ажыццяўляецца праз партал "Е-Паслуга".
"Для гэтага неабходна прадаставіць звесткі аб перавозчыках, якія выконваюць перавозкі пасажыраў у нерэгулярных зносінах, у тым ліку аўтамабілямі-таксі; транспартных сродках (аўтобусах, легкавых аўтамабілях, аўтамабілях-таксі); вадзіцелях; дыспетчарах аўтамабільных перавозак пасажыраў у нерэгулярных зносінах, дыспетчарах таксі", - адзначылі ў Мінтрансе.
Інфармацыя па паслугах з кодам 548.5.34. размешчана ў раздзеле "ДАІ, транспарт" партала.
У ведамстве нагадалі, што з 1 жніўня па 31 кастрычніка 2024 года ўключэнне ў рэестр ажыццяўляецца бясплатна.
Рэестр аўтамабільных перавозак пасажыраў у нерэгулярных зносінах фарміруецца ў адпаведнасці з указам Прэзідэнта Рэспублікі Беларусь ад 25 студзеня 2024 года нумар 32 "Аб аўтамабільных перавозках пасажыраў".
Нормы дакумента накіраваны на забеспячэнне бяспекі аўтамабільных перавозак, стварэнне ўмоў для добрасумленнай канкурэнцыі, павышэнне якасці аказваемых паслуг і далейшае ўдасканаленне праваадносін у сферы аўтамабільных перавозак пасажыраў.-0-
