У Саюзнай дзяржаве будзе створаны наднацыянальны падатковы камітэт. Аб гэтым паведаміў на сумесным пасяджэнні калегій Міністэрства эканомікі Беларусі і Міністэрства эканамічнага развіцця Расіі ў Брэсце дзяржаўны сакратар Саюзнай дзяржавы Дзмітрый Мезенцаў, перадае карэспандэнт БЕЛТА.
"У Брэсце сабраліся міністры і людзі, якія адказваюць за рэалізацыю 28 саюзных праграм, якія 4 лістапада 2021 года зацвердзілі Уладзімір Пуцін і Аляксандр Лукашэнка на пасяджэнні Вышэйшага Дзяржсавета Саюзнай дзяржавы. Палітра ўзаемадзеяння вельмі моцная, маштабная, рэзультатыўная і адпавядае атмасферы даверу, шчырасці і таварыскасці. Мы блізкія і з'яднаныя, і не таму што ёсць знешні санкцыйны націск, а таму што так вызначаюць нацыянальныя лідары, урады, міністэрствы і міністры. Прывяду два факты, якія пацвярджаюць сістэмную і рэзультатыўную работу. Паспяхова пачаў працаваць міждзяржаўны цэнтр для каардынацыі работы па кіраванні рызыкамі Мытнага камітэта Саюзнай дзяржавы. Старшынёй Савета міністраў Саюзнай дзяржавы Міхаілам Мішусціным падпісана пастанова аб стварэнні новага наднацыянальнага органа - наднацыянальнага падатковага камітэта Саюзнай дзяржавы. Гэта і прыклад рэалізацыі праграм, і пачатак новай практыкі саюзных адносін", - сказаў дзяржсакратар СД.
Пасяджэнне сумеснай калегіі Мінэканомікі Беларусі і Мінэканамразвіцця РФ узначальваюць кіраўнікі ведамстваў - міністр эканомікі Беларусі Аляксандр Чарвякоў і міністр эканамічнага развіцця РФ Максім Рашэтнікаў. У пасяджэнні прымаюць удзел старшыня Брэсцкага аблвыканкама Юрый Шулейка, міністр спорту і турызму Беларусі Сяргей Кавальчук.-0-
