Як стаць удзельнікам праграмы "тры плюс тры" і накапіць на "другую" пенсію, нагадалі ў прэс-службе Міністэрства працы і сацыяльнай абароны, паведамляе БЕЛТА.
У ведамстве адзначылі, што для гэтага трэба зрабіць усяго два крокі. Першапачаткова неабходна падаць заяву і заключыць дагавор са "Стравітай" непасрэдна ў страхоўшчыка або ў электронным выглядзе праз афіцыйны сайт. А потым звярнуцца да наймальніка з копіяй дагавора і заявай аб пералічэнні адпаведнага страхавога ўзносу.
Аднак уступаць у праграму страхавання можна не пазней, чым за тры гады да дасягнення агульнаўстаноўленага пенсійнага ўзросту.
Пасля ўступлення ў праграму дадатковыя ўзносы на накапляльную пенсію будуць штомесяц пералічвацца работадаўцам па заяве работніка.
Удзельнік можа змяніць тарыф узносу на накапляльную пенсію, але не часцей за 1 раз у год. Ён таксама мае права ў любы час прыпыніць свой удзел у праграме і потым аднавіць выплату дадатковых узносаў.
У выпадку ўдзелу ў праграме пры дасягненні агульнаўстаноўленага пенсійнага ўзросту страхоўшчыкам работніку штомесяц будзе выплачвацца дадатковая накапляльная пенсія на працягу 5 або 10 гадоў (на выбар грамадзяніна).-0-
