29 кастрычніка, Мінск /Кар. БЕЛТА/. У Беларусі з 1 лістапада павялічацца "ўзроставыя" даплаты да пенсій, паведамляе БЕЛТА са спасылкай на прэс-службу Міністэрства працы і сацыяльнай абароны.
"Узроставыя" даплаты да пенсій атрымліваюць больш за 537 тыс. чалавек ва ўзросце 75 гадоў і старэйшыя.
Памер гэтых выплат павялічыцца на 1,1 працэнта і складзе Br82,09 для людзей ва ўзросце 75-79 гадоў. Для людзей 80 гадоў і старэйшых (з улікам надбаўкі на догляд) даплаты складуць Br164,18, а пры наяўнасці інваліднасці I групы - Br218,9.
У Мінпрацы і сацабароны дадалі, што расходы на "ўзроставыя" даплаты ў 2024 годзе складуць, як чакаецца, Br790 млн.-0-
