30 ліпеня, Мінск /Кар. БЕЛТА/. За мінулыя суткі электразабеспячэнне парушалася ў 1917 населеных пунктах краіны. Аб гэтым БЕЛТА паведамілі ў прэс-службе Міністэрства энергетыкі.
Было абясточана 6168 трансфарматарных падстанцый, 171 ферма, 24 кацельні. Больш за ўсё адключэнняў было ў Мінскім, Дзяржынскім, Мазырскім, Іўеўскім, Валожынскім, Пінскім, Ашмянскім, Лідскім, Маладзечанскім, Лельчыцкім раёнах. Моцны шквалісты вецер прывёў да падзення дрэў на правады, іх абрыву, пашкодзіў апоры ЛЭП.
Энергетыкі працавалі ва ўзмоцненым рэжыме для аператыўнага ўстаранення тэхналагічных парушэнняў. Было задзейнічана 479 аварыйных брыгад складам 1205 чалавек і 430 адзінак тэхнікі.
Паводле даных на 6.00 30 ліпеня, аднаўленчыя работы прадаўжаюцца ў 48 населеных пунктах. "Энергазабеспячальныя арганізацыі прадаўжаюць бесперапынны маніторынг сітуацыі - умовы надвор'я застаюцца складанымі", - адзначылі ў ведамстве.
Сёння ў краіне захаваецца ўзмацненне паўночна-заходняга ветру парывамі да 15-20 м/с. На большай частцы тэрыторыі пройдуць дажджы, у асобных раёнах прагрымяць навальніцы.-0-
