30 верасня, Мінск /Кар. БЕЛТА/. Законапраект "Аб змяненні законаў па пытаннях адукацыі" ў першым чытанні будзе разгледжаны дэпутатамі 2 кастрычніка. Аб гэтым паведаміў журналістам старшыня Пастаяннай камісіі па адукацыі, культуры і навуцы Палаты прадстаўнікоў Ігар Марзалюк, перадае карэспандэнт БЕЛТА.
"Літаральна на гэтым тыдні на бліжэйшым пасяджэнні (сесіі. - Заўвага БЕЛТА) мы будзем разглядаць гэты законапраект у першым чытанні", - адзначыў Ігар Марзалюк.
Як чакаецца, чарговае пасяджэнне другой сесіі Палаты прадстаўнікоў Нацыянальнага сходу Рэспублікі Беларусь восьмага склікання адбудзецца 2 кастрычніка. Сёння праходзіць пашыранае пасяджэнне Пастаяннай камісіі па адукацыі, культуры і навуцы Палаты прадстаўнікоў аб навацыях праекта закона Рэспублікі Беларусь "Аб змяненні законаў па пытаннях адукацыі". Да ўдзелу ў пасяджэнні запрошаны намеснікі міністра адукацыі, кіраўнікі структурных падраздзяленняў міністэрства.-0-
