23 жніўня, Мінск /Кар. БЕЛТА/. Збожжавыя каласавыя і зернебабовыя культуры ў Беларусі ўбраны больш як на 90 працэнтах плошчаў. Аб гэтым паведамілі БЕЛТА ў Міністэрстве сельскай гаспадаркі і харчавання.
У Беларусі на 23 жніўня сабрана больш за 90 працэнтаў убіраемых культур: з іх 90,5 працэнта збожжавых каласавых і зернебабовых культур і больш як 88 працэнтаў рапсу.
Усяго намалочана збожжа з улікам рапсу 6723 тыс. т, з іх 5788 тыс. т збожжавых каласавых і зернебабовых культур і больш як 934,5 тыс. т рапсу. Брэсцкая вобласць ужо завяршыла ўборку збожжавых каласавых і зернебабовых культур.
Паралельна з уборкай ідзе церабленне і нарыхтоўка лёну, ільнотрасты. На сённяшні дзень лён выцераблены на 99 працэнтах плошчы.
Завяршылі церабленне лёну Мінская, Віцебская, Гродзенская, Гомельская і Брэсцкая вобласці. Прадаўжаюцца работы па ўборцы льнотрасты, нарыхтавана каля 34 тыс. т.
Салома пасля ўборкі збожжавых каласавых і зернебабовых культур убрана на 55 працэнтах да скошаных плошчаў. Праведзена лушчэнне ржэўніку на 14 працэнтах да ўбранай плошчы.
Ідзе падрыхтоўка глебы пад сяўбу азімага ўраджаю 2024 года. Азімы рапс на зерне пасеяны на 93 працэнтах плошчаў краіны. Завяршылі сяўбу азімага рапсу на зерне Мінская, Брэсцкая і Магілёўская вобласці.
Таксама гаспадаркі краіны ўбіраюць кукурузу на сілас. Сабрана зялёнай масы кукурузы 314 тыс. т.-0-
