23 верасня, Мінск /Кар. БЕЛТА/. Футбалісты брэсцкага "Дынама" прадоўжылі серыю перамог у матчах чэмпіянату Беларусі, паведамляе карэспандэнт БЕЛТА.
22 верасня ў заключным паядынку 22-га тура брастаўчане абыгралі на сваім полі дзяржынскі "Арсенал" з лікам 2:1. У першым тайме вароты гасцей паразіў Аляксандр Свірэпа і Герман Баркоўскі, а пасля перапынку Руслан Мялкоўскі адыграў адзін мяч.
Яшчэ два матчы, праведзеныя 22 верасня, таксама завяршыліся з рэзультатам 2:1 - барысаўскі БАТЭ атрымаў валявую вікторыю над "Іслаччу", а магілёўскі "Днепр" быў мацнейшы за футбалістаў "Смаргоні".
Рэзультаты астатніх сустрэч гэтага тура: "Шахцёр" (Салігорск) - "Нёман" (Гродна) - 0:1, "Тарпеда-БелАЗ" (Жодзіна) - "Мінск" - 2:2, "Віцебск" - "Дынама" (Мінск) - 1:0, "Славія" (Мазыр) - "Слуцк" - 0:0, "Гомель" - "Нафтан" (Наваполацк) - 2:1.
Становішча ў групе лідараў: "Нёман" - 46 ачкоў (21 матч), "Тарпеда-БелАЗ" - 43 (21), "Дынама" (Мінск) - 41 (18), "Дынама" (Брэст) - 41 (22).
Бамбардзірскую гонку ўзначальвае габонскі нападаючы "Гомеля" Родзі Джуніяр Эфаге, які забіў 14 мячоў.
У наступным туры сустракаюцца:
27 верасня
БАТЭ - "Шахцёр", "Гомель" - "Дынама" (Брэст),
28 верасня
"Слуцк" - "Арсенал", "Смаргонь" - "Віцебск", "Дынама" (Мінск) - "Іслач",
29 верасня
"Нафтан" - "Тарпеда-БелАЗ", "Мінск" - "Днепр", "Нёман" - "Славія".-0-
